http://www.wichaar.com/news/119/ARTICLE/25747/2011-05-13.html
کیری لوگربل توں جیہڑیاں سیاستاں پاکستان وچ تگڑیاں ہو رہیاں نیں اوہناں پاک امریکہ یاریاں اگے سوالیہ نشان لا دِتے نیں۔ ایہہ جھکاوا ہے یا نویں صف بندیاں، ایس دا فیصلہ چھیتی ہو جاسی۔ زرداری ہوراں نوں انج ہی روس گھلیا گیا ہے جنج لیاقت علی خان نوں روس دے دورے دا دعوتی کارڈ دوایا گیا سی۔ مطلب اودوں وی ایہہ سی کہ ساڈی منو تاں اسی تہاڈی من ساں۔ تے اَج وی کہاڻی 60 سال بعدوں اوتھے ہی کھلوتی ہے۔
لیاقت علی خان نوں جدوں امریکہ توں بلاوا آ گیا تاں حضرت نیں ماسکو ول مُنہ کر کے ویکھیا وی نہیں سگوں کئی ہفتے امریکہ برطانیہ وچ ہی جا کے بیٹھے رہے۔ جیہڑے ترقی پسنداں لیاقت علی خان نوں روس دا دعوتی کارڈ لے کے دِتاسی اوہناں نوں بعد وچ پنڈی سازش راہیں رگڑا وی سہڻا پیا۔ پر سیاڻے ایہہ دسدے نیں کہ اج 1950 نہیں۔ اج امریکہ روس دی چلائی گئی سرد جنگ مُک چکی ہے۔ اج تے اصل ملاکھڑا چین تے امریکہ دے وچکار ہے۔
گرم پاڻیاں تیک اپڑن اتے واہ خاں ورگے زمینی سوداگری اتے کار ویہار دے رستیاں نوں ورتڻ لئی چین پاکستان وچ قراقرم ہائی اتے گوادر بناؤڻ وچ مالی جانی مدد دِتی سی۔ چین نے قراقرم تے گوادر بڻا دِیتیاں پر امریکیاں فیر وی چین دی چلڻ نہ دِتی۔ ویسے وی پاکستان دے لاگے دے ملک بھارت، ایران، متحدہ عرب امارات تے افغانستان ایہہ چاہوندے سڻ کہ پاکستان کار ویہار وچ اوہناں دے تھلے ہی لگیا رہے۔ امریکہ چین لڑائی دے بہوں سارے مُنہ نیں۔ ایہہ اوہ کھوبہ ہے جس وچ پاکستان دی اشرافیہ ڈُبدی جا رہی ہے۔ امریکہ یورپ وچ پاکستانی امیراں دی اولاداں پڑھ رہیاں نیں تے مڈل ایسٹ توں پاکستانی ریاست نوں فارن کرنسی آ رہی ہے۔ جے افغان جہاد تے اَت گردی مخالف جنگ توں آوڻ والی رقماں نوں ضیاء تے مشرف ورگیاں ذاتی بوجھیاں وچ نہ پایا ہوندا تاں اج امریکہ نوں تراوڻ لئی ''دہریئے روس'' دا سفر وی نہ کرنا پیندا۔
تہانوں یاد ہوسی، 1857ء دی نِکی لڑائی وچ فوجی چھاؤنیاں وچ بغاوتاں ہوئیاں سڻ۔ کیونجے 1849 وچ پنجاب تے قبضے دے بعدوں انگریز ہُڻ کابل دی لڑائی لڑن دا پروگرام بڻائی بیٹھے سڻ۔ انگریز رائل بنگال آرمی نوں فارغ کرنا سی تے چکوال، اٹک توں نویاں فوجاں بھرتی کرنیاں سڻ۔ پئی اس ویلے ریلوے تے نہیں سی، تاں یوپی بہار توں اوہ اوہناں سوریاں نوں کنج لے کے جاندے۔ فیر یوپی بہار بنگال والے پنڈی توں پشور تیک دے موسماں نوں سہندے کِنج تے ناں ہی اوہ اوہناں رستیاں دے جاڻُو سڻ۔ بس انگریز جنج ہی رائل بنگال آرمی نوں فارغ کرن تے کم شروع کیتا تے فوجاں وچ اتھل پتھل ودھ گئی۔ نوکری مُکڻ دا ڈر پیدا ہوڻ توں بعد جیہڑی ''بغاوت'' ہوندی ہے اوہ توڑ چڑھ وی جائے تاں وی بے فیض ہی رہندی ہے۔
تواریخ دسیندی ہے پئی اجہی بے وقتی بغاوتاں نال نِری ماڑدھاڑ ہی ودھدی ہے۔ تواریخ ایہو دسیندی ہے۔ بس 80 دے دہاکے بعدوں مُکدی ہوئی سرد جنگ دے بعد پاکستان امریکہ وچ ایہو جہی لڑائی ہی جاری ہے۔ بھلا ہوئے 9/11 کرن والیاں دا کہ سانوں فیر ڈالر لبھڻ لگ گئے۔ اشرافیہ فیر ڈالر آپڻیاں ذاتی جیباں وچ بھرے تے پاکستان دا قرضہ ودھدا گیا۔ ہُڻ امریکی حساب کتاب نال رقماں دیڻا چاہوندے نیں کیونجے اوہناں نوں ایس حساب کتاب دے اوہلے وچ پاکستان نوں چین توں پرے کرنا ہے۔
پاکستان دی اشرافیہ نوں حساب کتاب دی عادت ہی نہیں، اوہ تے بس بغیر ڈکارے سب کچھ ہضم کرن وچ ماہر نیں۔ عام پاکستانیاں نوں کوئی وی کچھ نہیں دیڻا چاہوندا۔ بجلی مہنگی ہو رہی ہے، گیس مُک مُک جاندی ہے تے پاڻی بوتلاں وچ وِک رہیا ہے۔ اجہے معاملے وچ جدوں کوئی پاکستانی اشرافیہ کولوں حساب کتاب منگدا ہے تاں عام پاکستانیاں نوں چنگا وی لگدا ہے۔
ریمنڈ ڈیوس دا کھڑچ کنڈل ہوئے یا اُسامے دی قراقرم دے نیڑے ایبٹ آباد وچ موت، ایہہ سب نشانیاں صفاں سِدھیاں کرن دے اعلان توں پہلاں دی پُکار ہے۔ طبل جنگ، ہمیش جنگ شروع کردن دا اعلان نہیں ہوندا سگوں اکثر ایہہ سودے بازی لئی آخری اشارہ وی ہوندا ہے۔ روس، چین نال یارِیاں ودھاؤڻ لئی ساڈی اشرافیہ نوں یورپ امریکہ وچ پڑھدے تے نوکریاں کردے آپڻے بچیاں دی بلی دیڻی پے سکدی ہے تے اوہ ایس لئی تیار نہیں۔ بس ایہہ تے حساب کتاب توں بچڻا چاہوندے نیں۔
پاکستانیاں نوں ایس وچوں کیہہ لبھے گا؟ ایہہ سوال ہی رہ سی۔ میاں ہوری عدالتی کمیشن دا تے آکھیا ہے پر اجہے کمیشن بس تریخ دی نظر ہی ہوجاندے نیں۔ مٹی پا کے پراڻے کماں نوں مُڑ توں چالو کرن دا وَل ساڈی بیوروکریسی نوں خوب آؤندا ہے۔
کیری لوگربل توں جیہڑیاں سیاستاں پاکستان وچ تگڑیاں ہو رہیاں نیں اوہناں پاک امریکہ یاریاں اگے سوالیہ نشان لا دِتے نیں۔ ایہہ جھکاوا ہے یا نویں صف بندیاں، ایس دا فیصلہ چھیتی ہو جاسی۔ زرداری ہوراں نوں انج ہی روس گھلیا گیا ہے جنج لیاقت علی خان نوں روس دے دورے دا دعوتی کارڈ دوایا گیا سی۔ مطلب اودوں وی ایہہ سی کہ ساڈی منو تاں اسی تہاڈی من ساں۔ تے اَج وی کہاڻی 60 سال بعدوں اوتھے ہی کھلوتی ہے۔
لیاقت علی خان نوں جدوں امریکہ توں بلاوا آ گیا تاں حضرت نیں ماسکو ول مُنہ کر کے ویکھیا وی نہیں سگوں کئی ہفتے امریکہ برطانیہ وچ ہی جا کے بیٹھے رہے۔ جیہڑے ترقی پسنداں لیاقت علی خان نوں روس دا دعوتی کارڈ لے کے دِتاسی اوہناں نوں بعد وچ پنڈی سازش راہیں رگڑا وی سہڻا پیا۔ پر سیاڻے ایہہ دسدے نیں کہ اج 1950 نہیں۔ اج امریکہ روس دی چلائی گئی سرد جنگ مُک چکی ہے۔ اج تے اصل ملاکھڑا چین تے امریکہ دے وچکار ہے۔
گرم پاڻیاں تیک اپڑن اتے واہ خاں ورگے زمینی سوداگری اتے کار ویہار دے رستیاں نوں ورتڻ لئی چین پاکستان وچ قراقرم ہائی اتے گوادر بناؤڻ وچ مالی جانی مدد دِتی سی۔ چین نے قراقرم تے گوادر بڻا دِیتیاں پر امریکیاں فیر وی چین دی چلڻ نہ دِتی۔ ویسے وی پاکستان دے لاگے دے ملک بھارت، ایران، متحدہ عرب امارات تے افغانستان ایہہ چاہوندے سڻ کہ پاکستان کار ویہار وچ اوہناں دے تھلے ہی لگیا رہے۔ امریکہ چین لڑائی دے بہوں سارے مُنہ نیں۔ ایہہ اوہ کھوبہ ہے جس وچ پاکستان دی اشرافیہ ڈُبدی جا رہی ہے۔ امریکہ یورپ وچ پاکستانی امیراں دی اولاداں پڑھ رہیاں نیں تے مڈل ایسٹ توں پاکستانی ریاست نوں فارن کرنسی آ رہی ہے۔ جے افغان جہاد تے اَت گردی مخالف جنگ توں آوڻ والی رقماں نوں ضیاء تے مشرف ورگیاں ذاتی بوجھیاں وچ نہ پایا ہوندا تاں اج امریکہ نوں تراوڻ لئی ''دہریئے روس'' دا سفر وی نہ کرنا پیندا۔
تہانوں یاد ہوسی، 1857ء دی نِکی لڑائی وچ فوجی چھاؤنیاں وچ بغاوتاں ہوئیاں سڻ۔ کیونجے 1849 وچ پنجاب تے قبضے دے بعدوں انگریز ہُڻ کابل دی لڑائی لڑن دا پروگرام بڻائی بیٹھے سڻ۔ انگریز رائل بنگال آرمی نوں فارغ کرنا سی تے چکوال، اٹک توں نویاں فوجاں بھرتی کرنیاں سڻ۔ پئی اس ویلے ریلوے تے نہیں سی، تاں یوپی بہار توں اوہ اوہناں سوریاں نوں کنج لے کے جاندے۔ فیر یوپی بہار بنگال والے پنڈی توں پشور تیک دے موسماں نوں سہندے کِنج تے ناں ہی اوہ اوہناں رستیاں دے جاڻُو سڻ۔ بس انگریز جنج ہی رائل بنگال آرمی نوں فارغ کرن تے کم شروع کیتا تے فوجاں وچ اتھل پتھل ودھ گئی۔ نوکری مُکڻ دا ڈر پیدا ہوڻ توں بعد جیہڑی ''بغاوت'' ہوندی ہے اوہ توڑ چڑھ وی جائے تاں وی بے فیض ہی رہندی ہے۔
تواریخ دسیندی ہے پئی اجہی بے وقتی بغاوتاں نال نِری ماڑدھاڑ ہی ودھدی ہے۔ تواریخ ایہو دسیندی ہے۔ بس 80 دے دہاکے بعدوں مُکدی ہوئی سرد جنگ دے بعد پاکستان امریکہ وچ ایہو جہی لڑائی ہی جاری ہے۔ بھلا ہوئے 9/11 کرن والیاں دا کہ سانوں فیر ڈالر لبھڻ لگ گئے۔ اشرافیہ فیر ڈالر آپڻیاں ذاتی جیباں وچ بھرے تے پاکستان دا قرضہ ودھدا گیا۔ ہُڻ امریکی حساب کتاب نال رقماں دیڻا چاہوندے نیں کیونجے اوہناں نوں ایس حساب کتاب دے اوہلے وچ پاکستان نوں چین توں پرے کرنا ہے۔
پاکستان دی اشرافیہ نوں حساب کتاب دی عادت ہی نہیں، اوہ تے بس بغیر ڈکارے سب کچھ ہضم کرن وچ ماہر نیں۔ عام پاکستانیاں نوں کوئی وی کچھ نہیں دیڻا چاہوندا۔ بجلی مہنگی ہو رہی ہے، گیس مُک مُک جاندی ہے تے پاڻی بوتلاں وچ وِک رہیا ہے۔ اجہے معاملے وچ جدوں کوئی پاکستانی اشرافیہ کولوں حساب کتاب منگدا ہے تاں عام پاکستانیاں نوں چنگا وی لگدا ہے۔
ریمنڈ ڈیوس دا کھڑچ کنڈل ہوئے یا اُسامے دی قراقرم دے نیڑے ایبٹ آباد وچ موت، ایہہ سب نشانیاں صفاں سِدھیاں کرن دے اعلان توں پہلاں دی پُکار ہے۔ طبل جنگ، ہمیش جنگ شروع کردن دا اعلان نہیں ہوندا سگوں اکثر ایہہ سودے بازی لئی آخری اشارہ وی ہوندا ہے۔ روس، چین نال یارِیاں ودھاؤڻ لئی ساڈی اشرافیہ نوں یورپ امریکہ وچ پڑھدے تے نوکریاں کردے آپڻے بچیاں دی بلی دیڻی پے سکدی ہے تے اوہ ایس لئی تیار نہیں۔ بس ایہہ تے حساب کتاب توں بچڻا چاہوندے نیں۔
پاکستانیاں نوں ایس وچوں کیہہ لبھے گا؟ ایہہ سوال ہی رہ سی۔ میاں ہوری عدالتی کمیشن دا تے آکھیا ہے پر اجہے کمیشن بس تریخ دی نظر ہی ہوجاندے نیں۔ مٹی پا کے پراڻے کماں نوں مُڑ توں چالو کرن دا وَل ساڈی بیوروکریسی نوں خوب آؤندا ہے۔
No comments:
Post a Comment