Kyani & Iftiqar helped Nawaz to form Government in 2013.
Ch Manzur PPP.
What next now?
Ch Manzur PPP.
What next now?
نواز نوں کیانی، افتخار گٹھ جوڑ لیایا سی۔
چوہدری منظورپی پی پی
ہن تسی وی ایہو کر
رہے ہو؟
اج اک ٹی وی پروگرام وچ پی پی پی دے لیڈر چوہدری منظور اوہ گل کر دیتی
جس بارے تبصرے وادھو۔گل تازے سکرپٹ بارے ہو رہی سی جس دے جواب وچ چوہدری منظور
ہوراں نویں گیم وچ پی پی پی دے کردار ول ہشیار اشارے کر دتے۔انہاں آکھیا پئی سکرپٹ
تے چلدے ہی رہے نیں ملک پاکستان وچ۔ اتے فیر انہاں ایہہ آکھ دتا پئی2013وچ اوس ویلے
دے آرمی چیف جنرل کیانی اتے اوس ویلے دے جیف جسٹس چوہدری افتخار نواز شریف نوں ہورے
اک سکرپٹ دے راہیں اقتدار وچ لیائے سن۔کیہہ اوہ ایہہ من گئے نیں پئی اج کل انہاں
لئی اجیہا بندوبست بناون دا ایجنڈا ہے؟ اک زمانے تیک پی پی پی جمہوری تسلسل دی گل
کردی رہی پر اج کل نویں دلیلاں دے زمانے نیں۔ پر دوجے پاسے پرویز مشرف دے انٹرویو
مڑ چلانے شروع ہو گئے نیں۔اوہ کسی نویں سیٹ اپ راہیں آئین وچ بنیادی تبدیلیاں لیاون
دی گل کر رہے نیں۔مشرف وی ضیا الحق وانگ نیشنل سیکورٹی کونسل بناون دی گل پہلے وی
کردے رہے نیں۔اک پاسے ہر کوئی آکھ رہیا ہے پئی الیکشن ویلے سر ہون پر دوجے پاسے
ایہہ آکھیا جا رہیا ہے پئی دبا ایڈا ودھے پئی حکومت اپنے آپ نویں چوناں دا سینیٹ دے
چوناں توں پہلاں اعلان کر دتا۔قومی اسمبلی دے سپیکر ایاز صادق وی کسے سازش بارے گل
کر دتی ہے۔لوک سارے گلاں ویکھ رہے نیں پئی کون کیہہ آکھ رہیا ہے تے کس بارے دروٹے
ہویا جے۔میڈیاکیہہ کر رہیا ہے تے 28جولائی بعدوں کس نوں فیدہ ہویا اتے کس دا ایجنڈا
پورا نہیں ہویا۔ایس انفارمیشن دے دور وچ ایس بارے لکویں گلاں کوئی نہیں۔سینیٹ وچ
جنج پی پی پی نے اوس بل تے یو ٹرن لتا جس نوں اوس نے قومی اسمبلی وچ پاس کیتا سی
اوہ اپنا مذاق آپ۔سینیٹ دی چوناں تیک ایہہ کھیڈ اینج ہی چلے گا؟ایس دا جواب وی جلد
آ جائے گا۔جے پی پی پی کسے سکرپٹ تے چلدی پائی گئی تے اوس کول کسے پرانے سکرپٹ خلاف
گل کرن دا جواز ہمش لئی مک جا سی۔
No comments:
Post a Comment