پاکستان وچ کرپشن ہور ودھ گئی، ٹرانسپرنسی انٹرنیشنل  ۔ عمرانی سرکار تے نیبی دعوے فارغ, وزیراں کول جواب کوئی نہ

پاکستان 124 بھارت 86، سری لنکا 94، نیپال 117

ترکی، سعودی عرب،ملائیشیا حتاکہ مصرورگے اسلامی ملک ساڈے توں چنگے

 

سویرےشام کرپشن مکاون دی مہماں تے اپوزیشن نوں چور چور آکھدی عمرانی سرکار تے کرپشن مکاون  دے میاں مٹھو دعویدار  نیب ٹرانسپرنسی انٹرنیشنل دی 2020 دی تازہ رپورٹ اگے بے بس۔  رپورٹ دا لنک وی تھلے دے رہے ہاں کہ لگ پتہ جائے کہ کس ملک    وچ کرپشن گھٹی ہے تے کس وچ ودھ گئی ہے۔ پاکستان وچ 2018 توں کرپشن ہر سال ودھ ہی رہی ہے۔ 2019 دے سال پاکستان دا 180 ملکاں دی عالمی برادری وچ 120واں نمبر سی تے 2020وچایہہ ہور چوڑ ہو گیا ہے تے کرپشن ایڈی ودھ گئی ہے کہ ساڈا نمبر پورے 4 درجے اگے چلا گیا تے 124 تے پہنچ چکیا جے۔ بھارت ، جس نال اسی ہر پدر تے مقابلہ کریندے ہاں نرا 86 نمبر تے ہے۔

حقیقتتوں منہ موڑدے ہوئے وزیراعظم تے وزیر مشیر اٹھ واٹھ ماردے پئے جے

 وزیراعظم عمران خان نے کرپشن سے متعلق ٹرانسپیرنسی انٹرنیشنل کی رپورٹ کا خیر مقدم کیا ہے

وزیر اعظم کیہہ کہیا، ایتھے کلک کرو تے آپ پڑھ لو 

لسٹ ویکھو تے پتہ چلدا ہے سارک ملکاں وچ  نیپال تے سری لنکا وی ساڈے توں چنگے جے کہ نیپال 117 تے سری لنکا 94 نمبر تے ہے۔مسلمان ملکاں وچ ترکی، سعودی عرب،ملائیشیا حتاکہ مصر وی ساڈے توں بہتر جے۔گھٹ کرپشن دے حوالیاں نال پہلے دس ملکاں وچ  نہ تے امریکہ،روس، برطانیہ، جرمنی، فرانس شامل ہے نہ ہی چین۔ پر پاکستان وچ جڈے دعوے نیب تے عمرانی سرکار نے کرپشن مکاون لئی کیتے اوہ اج سب ایکسپوز ہو گئے جے تے پتہ ایہہ چلیا کہ زرداری تے نواز شریف نوں کڈ کے کرپشن ہور ودھ گئی ہے۔ ایس دا سھا مطبل ہے کہ کرپشن  یا تے عمرانی سرکار کر رہی ہے یا کوئی تریجا دھڑا ہے کہ ہن اوس پاسے ہی سب نوں دھیان دینا چاہیدا ہے۔ تسی ہن  ٹرانسپرنسی انٹرنیشنل دی رپورٹ آپ پڑھ

To read complete report of Transparency International, click  TI 2020