Listen: The Story of Lhore with People's perspective (A Radio Show)

Listen

The Story of Lhore with People's perspective 

(A Radio Show)

Lhore: Origin, Mythology, Faiths, Non-Mulim and Muslim legacy, Walled City, Outside Walled City settlements, Greek, Persian, Turkish influences, Mughal and post Mughal period, Three rulers of Lhore, Lhore Darbar, British Period and present times

لوک لہر27 دسمبر 2015

لہور تے آل دوال دی تھاواں

 Listen the recording by clicking below

The Story of Lhore

لہور تے اساں 100 پروگرام وی کریے تے اساں ایس شہر بارے پوری گل بات نہیں کرسکدے کیونجے لہور لہور اے۔

اک لہور دھرمی ونڈ توں وکھرا وی ہے تے لہور شہر بہوں سارے دھرماں دا پالن ہاروی۔ جداں دھرم نہیں ہوندے سن تاں وی لہور سی۔

اج اسی “لہوری بندر” (Lahori Port) دی گل نہیں کراں گے جہہڑی ٹھٹہ توں سمندری رستے ول جاندے چھ دریاواں دا پانی سمندراں وچ رلاندی سی اتے ایتھے تجارتاں دا بھنڈارسی۔ پرانی کتاباں وچ ایس دا ذکر اذکار بہوں ہے۔ دریا تے سمندردے پانیاں دے ملاپ دے نیڑے موجود ایس پورٹ نوں پرتگالیاں 14 ویں صدی وچ کیوں اگ لاکے ساڑدتا سی ایہہ اک وکھری کہانی ہے۔ ایہہ ساڈی دریائی تجارتاں دی کہانی ہے اتے ایس بارے اساں اک پورا پروگرام کراں گے۔

اسی سکندر مقدونی دی گل وی نہیں کراں گے جس دے لکھاری 327 قبل مسیح وچ پنجاب آئے اتے ایس نوں پینٹا پوٹامیا

(Panta-Potamia) آکھیا۔

پینٹا پرانی یونانی زبان وچ پنچ نوں آکھدے نیں۔اتے یونانیاں وی ایس تھاں نوں پنج دریاواں دی دھرتی آکھیا۔ مہا بھارت وچ ساڈی تھاں نوں پنج ند آکھیا کیونجے پرانی بولی وچ دریا لئی ”ند“ ہی ورتیا جاندا سی جس توں لفظ ندی بنیا ہے یعنی دریا توں نکلی ہوئی۔

پراساں تے اج پنجاب دے دل تخت لہور دی گل بات ہی کراں گے۔

ساڈے نال متراقبال قیصر نیں جنھاں آپدی جنڈری دا وڈا ویلہ لہور دے بیٹیاں، ٹیلیاں، بازاراں، پنڈاں نوں گھنگالن وچ گذاریا ہے۔ اج اساں آپدے شہر دی گواچی تاریخ بارے گل کراں گے۔

اکبر دس سال لہور آکے رہیا اتے ایتھے کلہ گڈ کے کشمیر، لہوری بندر تے اٹک دی مہماں چلائیاں۔ مغلاں بعد مثلاں بنایاں گیاں اتے بھنگی مثل سب توں وڈی سی۔ کانگڑہ، امرتسر توں لہور، ملتان تے ڈی آئی خان توں قبائلی تھاواں تک پھیلی ایہہ مثل تجارتاں دا بھنڈار سی اتے “بھنگ” دا کارویماروی ایتھے ہوندا سی۔

انگریزاں لہور ناں کیہ کیتا ایہہ وی کہانی آپدے تھاں اہمیتاں والی ہے۔ پر اج اساں اقبال قیصر دی گلاں سناں گے، تسی وی سنو تاں 

آپدے شہر بارے تہانوں وی نویاں گلاں پتہ چلن۔