19 November
ٹرمپ، امریکہ اتے پاکستان: شفقت خان دا ٹرمپ دی جت اُتے اس دے اثراں بارے لیکچر
’’ہنیرے دا اک عہد‘‘برٹش سرکار نوں معافیاں کیوں منگنیاں چاہیداں نیں؟ ششی تھارور
پشاور: عوامی نیشنل پارٹی دے لیڈر اتے سابق سینیٹر حاجی عدیل پور ہو گئے۔ اوہناں دا شمار اوہناں چند ہندکو (پنجابی) بولن والے خانداناں دے وڈکیاں وچ ہوندا ہے جیہناں ساری حیاتی چار سدہ دے خاناں نال گزاری۔ اک ویلا اوہ سی جدوں عدیل ہوری اسفند مخالف لابی دے وڈکے سن جس دی لیڈر بیگم نسیم ولی خان سی۔
کل ڈان اتے اج ٹائمز آف انڈیا نے پاکستانی سینٹراں دے خدشیاں نوں خبراں دا حصہ بنایا ہے۔ حیران کن گل ایہہ ہے پئی ایم کیو ایم دے کرنل (ر) سیّد طاہر حسین مشہدی اتے جماعت اسلامی دے سینٹر سراج الحق یکدم اکو زبان کیوں بولن لگے یں؟ آخر ایہناں نوں ڈر کس چیز دا ہے؟ ایہناں پہلاں تے کدی ایہہ گل نہیں کیتی پر راتوں رات ایہناں کیہڑا خواب ویکھیا ہے؟
17 November
مشرف معصوماں وانگ اسلحے دے ڈیلر برگیڈیئر اعجاز تے سعودی عرب دے بادشاہ عبداللہ دے ناں لتے۔ اوہ صاف دس رہے نیں پئی دال وچ کالا نہیں سگوں پوری دال ہی کالی ہے۔
۔ اک زمانہ سی جدوں اردیو تے ہندی راج پالیسیاں دے تھم سن۔ پر انج بہوں ساریاں زباناں نال دھرو ہویا سی۔ جے بی بی سی اج پنجابی بارے آپدے نویں پروگرام شروع کردی ہے تاں فیر ایہہ اک چنگی خبر ہے۔
اسلام آباد: اج کل سیاستداناں وچ اک دوجے نوں ڈِسکوالیفائی کرن دی مہماں جاری نیں۔ اک پاسے سپریم کورٹ وچ کیس چل رہیا اے تے دوجے پاسےالیکشن کمیشن وچ۔ اج الیکشن کمشن وچ عمران خان، کیپٹن صفدر اتے جہانگیر ترین بارے کیس سنیاجانا سی۔ مسلم لیگ (ن) دے جس رکن محمد خان ڈھاہا ہوراں
کمیشن وچ عمران تے جہانگیر ترین دے خلاف پٹیشن دتی سی اوہ آپ ہی غیر حاضر سی اتے الیکشن کمیشن نے ایس غیر حاضری تے غصہ وی وکھایا۔
15 November
سڑکاں تے ریلوے دے جال اتے توانائی دا بندوبست اوہ کم نیں جیہڑے چین پچھلے 30 سالاں توں کر رہیا ہے پر ایس نے ایس توں پہلاں بنیادی تعلیم دین دا کم 1950 تے 1960 دے دہاکیاں وچ کیتا سی۔ چین دی ترقی دی اک ہور وڈی وجہ ایہہ ہے پئی سب دھڑے کسی اک ریاستی بندوبست تے رل مل بیٹھ جاندے نیں۔ فیر کوئی اس وچ پنگا نہیں لیندا۔
آپدے تازہ بہ تازہ انٹرویو وچ لی پن ہوراں ٹرمپ دی جت اتےBrexit نوں اکو سوچ دی فتح دسیا ۔ ایہہ سوچ رلی ملی رہتلاں(Multiculticuralism) دے خلاف ہے۔ ایس سوچ وچ گلوبلائزیشن دی مخالفت رلتی ہے۔ کھبے دے لوکاں نوں چکر دین لئی ایہہ تنگ نظر قوم پرست اکثر طبقاتی گلاں وی کردے نیں تاں مارے بہوں سارے کھبے دے لوک انہاں دے چکر وچ آجاندے نیں۔ نیشنل فرنٹ نامی پارٹی 1988 وچ ژاں میریل لی پن بنائی سی جیہڑا ’’نازی جرمنی‘‘ دا کھلا حمایتی سی اتے ایس نیں وی آپدی دھی وانگ ٹرمپ دے جتن نوں سہلایا ہے
نہرو پورے 17ورہے اک بادشاہ وانگ حکمرانیاں کیتیاں۔پہلی کابینہ وچ10وزیر سن اتے انہاں وچوں چھ وزیراں نے نہرو تو بغاوتاں کیتیاں۔ایتھوں تک کہ اکلے بھارتی دیسی گورنر جزل راج گوپال اچاریہ ہوراں نوںنہرو توں وکھرے ہو کے نویں سیاسی پارٹی’’سواتنترا پارٹی‘‘ بنانی پئی۔امریکی جنگ آزادی دے ہیرو دو وار صدر بنن توں بعد آپ ہی وکھرے ہو گئے سن پر نہرو بادشاہ بن گئے تے وراثتی سیاست دی نیہاں رکھیاں جس تے اج وی عمل جاری ہے۔
12 November
پشور: اساں ایس دھرتی پاکستان نوں انج ہی مقدس سمجھدے ہاں جنج مسلماناں لئی کعبہ اتے دوجیاں زیارتاںدی وجہ توں سعودی عرب مقدس ہے۔ ایہہ گل اک نوجوان سکھ یاتری بی بی نائودیپ آکھی جیہڑی امریکی ریاست کیلیفورنیا توں پشور آئی ہوئی ہے۔
پنجابی سنگت پاکستان دے پربندھ ہیٹھ اج پنجاب انسٹی ٹیوٹ آرٹ اینڈ کلچر وچ پنجابی کہانی دربار سجایا گیا۔ کہانی دربار وچ اُچیچے پنجابی کہانی کاراں نے اپنیاں نویاں پرانیاں کہانیاں پڑھ کے سنائیاں تے ڈھیر داد کھٹی
11 November
امریکی ریاست پنسلیوانیا دے وڈے شہر فیلا ڈیلیفا توں خبر آئی ہے جتھے اک دُکان تے سواستکا (نمازیاں دا نشان) لاون تے پلس نوں سد لیا گیا۔ جنوبی فیلا ڈیلفیا وچ ہی اک ہور تھاں نسل پرستاں سپرے پینٹ نال’’ٹرمپ دی حکمرانیاں ‘‘ اتے ’’کالی کتیاں‘‘ لکھ ماریا۔
رضا ہوراں دا اشارہ 18ویں ترمیم وَل سی اتے اوہ سندھ دے شہر کراچی دی اک پرائیویٹ یونیورسٹی وچ سکالرشپ تقسیم کرن دے اکٹھ وچ تقریر کردے پئے سن۔ انہاں آکھیا ’’اوہ ویلہ چلا گیا جداں اسلام آباد وچ بیٹھ کے سرٹیفکیٹ ونڈے جاندے سن کہ کون محب وطن ہے اتے کون غدار‘‘۔ انہاں ریاست تے حکمراناں نوں ہوش دے ناخن لین دی ہدایت کردے ہوئے آکھیا پئی ہن ہی سمجھ جائو ایہہ ٹرمپ دی جت ساڈے خطے تے وی ڈونگے اثر پائے گی
No comments:
Post a Comment