We need Interfaith & Peace not destruction Meji Singh (Radio Discussion)

We need Interfaith & Peace not destruction Meji Singh

(Radio Discussion) 

Link of the news @ Wichaar

 ونڈ تے 1947 وچ پنجاب دی ہوئی سی ایس نوں انڈیا دی ونڈ آکھنا اک وڈا چکر ہے اتے کانگرس ترے جون توں بہوں پہلاں پنجاب دی دھرمی ونڈ بارے قرارداد دلی وچ پاس کیتی سی۔ونڈ دی پیڑ نوں پنجابی ہی سمجھ سکدے نیں اتے تساں میجی ہوراں دی گلاں آپ سنو۔

میں سائیوال (مونٹ گمری) وچ سردار پورن سنگھ دے گھر1931وچ31 اگست دے دن جمیا سی۔ میری ماں اک طوطا پالیا سی جیہڑا ہر آن جان والے نوں ٖ’’فٹ منہ‘‘ آکھدا سی۔ میرے والدپنجاب ایگری کلچر فارم وچ منیجر سن۔میں جداں نکا ساں تے ابا جی دی تبدیلی رسالے والا فارم لیل پور(فیصل آباد) ہو گئی تے ہورے1939وچ اساں لیل پور آگئے۔میں دوجی کلاس تیک اتھے پڑھیا۔لیل پور توں انہاں دی تبدیلی امرتسر ہو گئی تے اساں امرتسری ہو گئے اتے1947تیک والد رٹائر ہوئے تے فیر اساں روپڑ ٹر گئے۔1958وچ میں امریکہ چلا گیا تے فیر اتھے ہی دا ہو گیا پر پچھوکڑ چیتے رہیا۔

لیل پور میرے دو وڈے بھرا تے خالصہ سکول پڑھدے سن تے میں ہک پرائمری سکول وچ ساں۔مینوں ٹانگے والا ’’بہادر‘‘ اج وی یاد ہے، بڑا بیبا بندہ سی اوہ۔ اساں اوس دے نال ہی سکول وغیرہ آندے جاندے ساں۔ سانوں بڑا پیار کردا سی۔امرتسر وچ اساں مجھیٹھا روڈ تے سردار بہادر سنگھ اسٹیٹ وچ رہندے ساں۔رام باغ دے سامنے ہوندی سی جتھے دس کوٹھیاں سن۔ساڈا گھر نو نمبر وچ سی، اٹھ نمبر وچ پرنسپل دلاور حسین رہندے سن۔اوہ اسلامیہ کالج دے پرنسپل سن۔ست نمبر وچ اک سیشن جج ربانی ہوری رہندے سن اوس دا منڈا ساڈے نال سی، اعتزاز ربانی۔دس تے چھ نمبر وچ سکھ سن تے ہورے پنج نمبر وچ ڈاکٹر ریاض قدیر رہندے سن۔اوہ امرتسر جنرل ہسپتال وچ چیف سرجن سن۔سب رل مل رہندے سن تے اک مکس پنجابی آبادی سی۔ عیداں، دیوالیاں وغیرہ رل مل کردے تے اک دوجے دے مرن، جیون وچ رلتی ہوندے سن۔میری ساری حیاتی تے امرتسر لنگھائے ویلے دا اثر سب توں ودھ ہے۔میں اتھے خالصہ سکول وچ پڑھیا جس وچ تعلیمی سلسلہ چنگا نہیں سی پر فیر اتھے سورن سنگھ ہیڈ ماسٹرآئے تے انہاں سب کجھ بدل دتا۔میں امریکہ جا کے منیجمنٹ وچ سپیشلائزیشن کیتی ہے پر اج وی میرا آئیڈیل میرا سکولے دا ہیڈ ماسٹر سورن سنگھ ہی ہے۔امریکہ جا کے مینوں منیجمنٹ وچ شراکتی اصولاں بارے پتہ چلیا، پر سورن سنگھ تے اوس شراکتی منیجمنٹ دا اوس ویلے وی نمونہ سی۔سکول وچ تے سارے دھرماں دے منڈے پڑھدے سن تے پڑھاندے سن۔ تہواراں تے چھٹیاں دے بہوں روالے سن، ہر کوئی اپنے تہواراں تے چھٹیاں منگدا سی۔ سورن سنگھ ہوراں ساری کلاساں دی منیٹراں نوں سدھیا تے ساریاں چھٹیاں لکھ کے انہاں نوں آکھیا پئی فیصلہ کرو کیہڑی چھٹی رکھنی ہے تے کیہڑی نہیں۔منڈیاں رل مل فیصلے کیتے تے سارا مسلہ حل ہو گیا تے رولے مک گئے۔ ایہہ وڈی سیانت سی جیہڑی میں اوس ویلے سکھی۔

Recorded at January 18, 2018
Clip of #MijiSingh talk regarding partition days at #LokLhar Radio Show  recorded MastFM103 Lhore Station. Guest was Professor Zubair Ahmad along with host Aamir Riaz TuTu  
Dr R. K. Janmeja (Meji) Singh, Professor of Psychology, #USA , got many awards and work for peace and interfaith and wrote a book 'Changing the course of destruction" . He shared his memories about Punjabi cities Amritsar, Sahiwal, Lyalpur (Faisalabad), Ropar and Lhore, partition times and explain about his book.


A video clip of Meji Singh

Instead of #Hitler check what were the policies that produced Hitler.
#England Returned Leaders had no understanding of ground realities.
Deconstruct process if you want to challenge #Extremism.
Dr #Meji Singh talk @ LokLhar Radio show.

video clip of Meji Singh


Listen complete Radio show by clicking Here