Listen Special Radio Show regarding Violence against Women bill Punjab - A discussion

Listen Special Radio Show Regarding Violence Against Women bill Punjab - A discussion

لوک لہر، 7 مارچ2016

لا ہنیرہ جہل اے دا چانن لا عقل دا

زنانی دیہاڑ بارے اُچیچا پروگرام

سنو تے سوچو

ٹاپک: زنانیاں تے تشدد بارے پنجاب اسمبلی دا نوا ں قنون

وادھے، گھاٹے تے پڑچول

حال حقیقت دا کھول

گل بات :دردانہ نجم صحافی نیوز لینز (آن لائن میڈیا)

صبیحہ شاہین برگد  

Listen the Program by clicking

https://clyp.it/fbpayvnb

دردانہ نجم۔ صحافی نیں تے ڈیلی ٹائمز تے دنیا نیوز وچ وی کم کر چکیاں نیں۔ اج کل اوہ امریکی میڈیا دے ادارے یونائیٹڈ پریس انٹرنیشنل (U.P.I) نال وابستہ نیں جیہڑی 1907 توں کم کررہی ہے۔ نیوز لینز یو پی آئی دا پروجیکٹ ہے تے حیران نہ ہونا ایس وچ سندھی، اُردو، انگریزی تے پشتو وچ خبراں چھپدیاں نیں تے ایتھے وی پنجابی نال سوتیلے پت وانگ سلوک ہوندا ہے۔

ایس دا ویب ایڈریسwww.newspens.pk ہے تے تسی وی ایس تے جاﺅ تے انہاں نوں دس پئی تساں 62 فیصدی پاکستانی پنجابیاں نوں کیوں گونگا سمجھدے ہو۔ ویسے دردانہ ہوراں پنجابی زبان بارے اک ودھیا سٹوری وی نیوز لینز وچ لکھی ہے۔

صبیحہ شاہین -لمیرے  چر توں زنانیاں دے حقاں لئی کم کررہیاں نیں اتے کسی تعارف دی محتاج نہیں۔ ایہہ جداں طالب علم سن اس ویلے توں ہی زنانیاں دے حقاں لئی کم کررہی نیں۔

-1 کیہ نواں قنون زنانیاں لئی کچھ کرے گا یا فیر منٹو وانگ سانو وی'' نویں قنون" بارے کہانیاں لکھ لکھ سرکار نوں چیتے کروانا پئے گا؟

-2مذہبی حلقے ایس دے مخالف کیوں نیں؟ فضل الرحمن ہوراں دی جماعت نے بلوچستان وچ آئے زنانیاں بارے قنون دی حمائیت کیتی سی پر پنجاب وچ اوہ مخالفتاں کررہے نیں؟ ایہہ کیہہ سیاست ہے؟

-3جداں نصابی کتاباں وچ زنانیاں تے تشدد دے خلاف کوئی سبق ہی نہیں ہوئے گا تاں فیر اساڈی نویں پیڑھی زنانیاں بارے آپدے رویے کنج بدلان گے۔

4- کمپیوٹرائز کڑا پاون توں سب ڈررہے نیں پر جے اوہ آپدا زنانیاں بارے رویہ بدل لین تاں فیر گل بن نہیں سکدی۔

-5 ایس قنون دے رولز آف بزنس کنج بنن گے؟

-6 کیہہ قنون بناون توں پہلاں مشاورتاں ہوئیاں سن۔

 Further Readings

http://punjabpunch.blogspot.com/2016/03/special-radio-show-to-celebrate-women.html